Antipastë me djathë dhe arra

Përbërësit
- 300 gr djathë i bute
- 60 gr arra te qëruara
- 100 gr pancete te prere ne feta te holla
- buke per bruskete
- 1 tufëz majdanoz
- vaj ulliri
- kripe, piper
Përgatitja
Grini ne pjese te vogla arrat dhe majdanozin. Ne një ene hidhni djathin, arrat dhe majdanozin dhe përziejini derisa te përftoni një mase homogjene. Shtoni pak vaj ulliri, kripe dhe piper sipas dëshirës. Ne fetat e bukës mbështetni një fete pancete. Hidhni kremin e djathit qe përgatitet ne fetat e brusketes dhe shërbejini.

AntiPastë

0

Kungull me djathë

Përbërësit:
* 1.5 kg kungull
* 4 lugë margarinë pa yndyrë ose gjalpë
* 4 lugë vaj ulliri
* 1/4 filxhan kaçkavall i grirë
* kripë dhe piper i zi i sapobluar, për shije
Përgatitja:
1. Ngrohim furrën në 180 gradë. Lyejmë tavën. E presim kungullin në dy pjesë. Përdorim një lugë për ta pastruar nga farat. Vendosim kungullin me pjesën e prerë poshtë, në tavën e përgatitur.
E pjekim për 45 minuta ose derisa tuli të jetë zbutur kur e shpojmë me pirun.
2. E lëmë kungullin të ftohet. E premë në copa. Mbushim filxhanët me kungull dhe pjesën tjetër e vendosim në frigorifer. Në një tigan ngrohim margarinën ose gjalpin.
3. Hedhim 4 filxhanët me kungull dhe i përziejmë. Shtojmë djathin dhe e përziejmë mirë me kungullin. I hedhim kripë dhe piper për shije.

AntiPastë

0

Vezë skoceze

Përbërësit:
* 500 gr mish i grirë
* 3 vezë
* 1 dl qumësht
* bukë e grirë
* tul nga dy feta buke
* miell
* 4 vezë të ziera
* 2 kokë qepë
* majdanoz, vaj, kripë dhe piper i zi
Përgatitja:
Qumështin e hedhim mbi tulin e bukës. Bukën e lëmë derisa ta mpijë mirë qumështin.
Qepën e grirë e skuqim në vaj. Majdanozin e grirë e vëmë në enën e madhe e të thellë, në të cilën e kemi vënë mishin e grirë.
Në enë i thyejmë një vezë, e shtojmë tulin e zbutur në qumësht dhe qepën e skuqur dhe të kulluar. Hedhim kripë dhe piper të zi dhe tërë masën e ngjeshim me dorë.
Pastaj, masën e ndajmë në dy pjesë dhe i shtypim me duar. Katër vezët e ziera i mbulojmë me brumin e mishit të grirë, duke krijuar-dy topa, të cilat i vëmë në tavë me vaj, të cilën e vëmë në furrë. Pjekim 5 minuta, në temperaturë prej 220 gradë.
E nxjerrim tavën nga furra dhe vezët skoceze i kalojmë në miell, në dy vezë të rrahura dhe në bukë të grirë. Vezët skoceze të përgatitura në këtë mënyrë i skuqim në tenxhere me vaj. I presim përgjysmë dhe i vëmë në pjatën për servirje. I zbukurojmë me kopër.
Pjatën e zbukurojmë me majonezë dhe me keçap.

AntiPastë

0

Muskul në mënyrë sharri

Nevojiten:
* 1,5 kg muskul viçi
* 3 lugë rrikë
* 500 gr kërpudha të freskëta
* 200 gr djathë
* 5 vezë
* 200 ml verë e kuqe
* 100 gr gjalpë
* 2 lugë kafeje erëza të përziera
* majonez
* vaj, kripë, piper i zi
Përgatitja:
I thyejmë vezët në një enë të thellë, hedhim kripë, piper të zi dhe i rrahim me tel kuzhine. Vezët e rrahura i skuqim në vaj dhe gjalpë.
Kërpudhat e freskëta i presim në copë dhe i skuqim në gjalpë. Hedhim mbi to kripë, piper të zi, një lugë kafeje erëza të përziera dhe 2 lugë rrikë.
Tiganin e mbulojmë me kapak.
Muskulin e presim në 3 copë dhe hedhim mbi to kripë dhe piper të zi. Copët e mishit i presim në forma xhepi.
Kërpudhat e skuqura i vëmë në një enë të madhe e të thellë, në të cilën e hedhim majdanozin e grirë, vezët e skuqura të prera në copë dhe 1 lugë rrikë. Hedhim kripë, piper të zi dhe një lugë kafeje erëza të përziera.
Përziejmë dhe e shtojmë djathin e grirë.
Me këtë përmbajtje i mbushim copët e muskulit, të cilat i mbyllim me shkopinj, që të mos derdhet brendia. Copët e muskulit të mbushur i skuqim në vaj dhe gjalpë. Në tenxhere hedhim rreth 1 litër ujë, e shtojmë verën e kuqe, tenxheren e mbyllim me kapak dhe e lëmë të kaurdiset 2-3 orë.
Copëve të muskulit ua largojmë shkopinjtë dhe i presim në copë me trashësi 2-3 cm.
Në dy skajet e pjatës për servirje vëmë dy gjethe sallate jeshile. Copët e muskulit të mbushur i rendisim shkallë-shkallë në pjatën për servirje. Zbukurojmë me bizele të kaurdisur, me lulelakre, copë karote dhe mashurka. Sipër hedhim lëngun nga tenxherja.

AntiPastë

0